Si Buta dan Si Burut

Jadi kisahnya si Buta wan Si Burut nie mantuk datang dari warung handak bulikan karumah masing-masing. andak warung wan rumah buhannya badua tu lumayan jauh jua jarak nya. mungkin marasa kalapahan bajalan, Si Buta wan Si Burut nie handak baistirahat satumat mancari kanaungan. Lalu Si Burut mambawai Si Buta badudukan dibawah puhun mangga, parak bubuhannya bajalan tadi. “Nah, disini pina tanyaman baduduk, naung kada kapanasan” Ujar Si Buta. “i ih, kita basantai dulu Ta lah. asa lapah bajalan wan parut ku jua pina mangkal kabanyakan minum pang di warung tadi.” Ujar Si Burut. limbah dudukan, Si Burut nie tacangang ka atas. malihat Mangga nang di puhun kuning2. “Ta, ikam hadangi dulu lah. aku ka atas puhun, mamutik mangga masak an pinanya..!!” Ujar Si Burut mamadahi Si Buta. lalu hancap Si Burut naik ka puhun. “umaa.. banyak banar buah nya masak kan Ta ae..” Si Burut bakuciak matan atas puhun. “Iyakah, hadangi aku naik jua..” Ujar Si Buta hancap jua naik ka atas puhun, mandangar Si Buta bakuciak tadi. padahal mata kada kawa malihat, paksa bagagap mancari mangga, handak mamutik jua. sabuting dua buting taputik jua Si Buta mamutik. Pas nang katiga, Si Buta nie pas banar jua di bawah Si Burut mamutik mangga. jadi pas bagagap mancari mangga, tangan Si Buta nih tamasuk kasalawar Si Burut (Si Burut pakai salawar handap). “Nah ini masak wan ganal-ganal nya nah..” Ujar Si Buta pas tajapai Burut nya Si Burut. Lalu Bahimat Si Buta Manjuhut banda nang di pagang nya tadi.. “ADUUH….!?!” takuciak si Burut. “Bungul nya nyawa nie Ta, Burut unda nyawa juhut..!?!” manyumpah Si Burut lwn Si buta.. (ngaran nya jua urang buta, mana malihat)